RTSH Sport Live

Alegri nuk e bën dramë: U ndëshkuam në pjesën e dytë

  • 24/11/2021
  • |
  • Futboll Bota
Alegri nuk e bën dramë: U ndëshkuam në pjesën e dytë
“Nuk jam i zemëruar, por ne duhej të luanim më mirë në pjesën e dytë”

Pas humbjes së rëndë ndaj Chelsea, Massimiliano Allegri përtyp hidhur, por nuk bën drama. "Chelsea është një ekip i nivelit evropian, ata janë kampionë evropianë - shpjegoi trajneri i Juventusit -. Ne patëm një paraqitje të mrekullueshme në ndeshjen e parë. Sot patëm një pjesë të parë të mirë, pastaj u ndëshkuam në pjesën e dytë. Nuk jam i zemëruar, por ne duhej të luanim më mirë në pjesën e dytë”, shtoi ai.

Më pas disa konsiderata për kushtet e disa lojtarëve dhe për formacionin e zgjedhur për t'u përballur me Chelsea. "Kulusevski shkoi dje te dentisti dhe pati një problem, ai nuk ishte në gjendje - shpjegoi ai - Dybala kishte vetëm gjysmë ore në këmbë, ne nuk humbëm 4-0 sepse luajtën vetëm 4 mesfushorë."