RTSH Sport Live

Ardit Deliu: Laçi ka fituar shumë besim

  • 22/02/2021
  • |
  • Kategoria Superiore
Ardit Deliu: Laçi ka fituar shumë besim
“Kemi fituar pothuajse me të gjitha skuadrat e kreut, i kemi mundësitë për të pretenduar”

Një nga lojtarët më të rëndësishëm të skuadrës së Laçit, Ardit Deliu, në një lidhje direkte me “Rubrika Sportive” në RTSH ka komentuar ecurinë e kurbinasve.

“Ecuri pozitive në pesë ndeshjet e fundit, pesë fitore dhe vetëm një gol i pësuar. Është viti i dytë që luajmë bashkë, me Deliun dhe Shehun, e njohim shumë mirë njëri tjetrin”.

“Kastrioti është si një mace e zezë, na ka marrë pikë pavarësisht se kemi luajtur shumë mirë, fitorja e fundit ishte shumë e rëndësishme. Tani jemi më të harmonizuar me njëri tjetrin. Sigurisht, kur fiton situate bëhet më e mirë.

“Dëmtimi? Besoj se dobëhem gati gati për ndeshjen me Partizanin. Mendoj se do të jetë një ndeshje shumë e bukur, mes dy skuadrave më në formë për momentin”.

“Titulli? Fitoret e fundit na kanë dhënë shumë besim. Kemi fituar pothuajse me të gjitha skuadrat e kreut, i kemi të gjitha mundësitë për të pretenduar për titull. Kemi një trajner me shumë përvojë, që na ndihmon ta përballojmë presionin”.