Gjithçka e lehtë për Argjentinën, e cila pas fitores ndaj Hondurasit, i shënoi tre golat Xhamajkës(Argjentinë-Xhamajkë 3-0) në Venue Red Bull Arena në Harrison, me një dygolësh në finale nga Messi, i cili hyri në fushë në 11' të pjesës së dytë në vend të Lautaro Martinez. Alvarez shënoi golin që zgjidhi ngërçin pas 13 minutash lojë me asistimin e shkëlqyer të sulmuesit të Interit. Tek 'italianët' hapësirë që në start edhe për lojtarin e Juventusit, Di Maria, ndërsa Correa luajti dhjetë minutat e fundit. As stoli për Paulo Dybala, i cili mbeti në tribunë.
“Ishte vendimi ynë, i stafi stërvitor, të mos rrezikonim Paulon, ai donte të luante – tha trajneri Scaloni pas ndeshjes – preferova të mos e rrezikoja, që të vazhdojë në klubin e tij dhe më pas do të vendosë”. Ndërkohë, është bërë e ditur se Scaloni ka rinovuar kontratën e tij me kombëtaren argjentinase deri në Kupën e Botës 2026.
Për Messin është fitorja e 100-të me fanellën e Albiceleste. Argjentina e çon rekordin e pamposhtjes në 35 ndeshje, në -2 nga rekordi që i përket Italisë. Në Kupën e Botës Argjentina u përfshi në Grupin C, bashkë me Arabinë Saudite, Meksikën dhe Poloninë.
