E gjithë Europa ëndërron Erling Haaland. E gjithë Europa, përveç Bayern Munchen, që përmes gojës së CEO të klubit, Karl-Heinz Rummenigge, largon thashethemet e tregut që bavarezët janë të interesuar për sulmuesin e Dortmund: "Nga vijnë këto thashetheme? Nuk e di - tha Rummenigge - Unë mund të them vetëm një gjë: ne kemi lojtarin më të mirë në botë në këtë pozicion: Robert Leëandoëski ka një kontratë deri në vitin 2023 ".
"Unë jam i bindur se me profesionalizmin e tij, mënyrën se si ai stërvitet dhe mënyrën se si ai kujdeset për trupin e tij, fundi është ende larg", vazhdoi Rummenigge duke folur për Bild në lidhje me sulmuesin polak, i cili është dëmtuar me përfaqësuesen dhe me shumë mundësi do të jetë i detyruar të humbasë përballjen e dyfishtë në Champions League kundër PSG.