Rikthim në origjinë. Pas 13 sezonesh, Marco Belinelli largohet nga NBA dhe zgjedh të nënshkruajë me Virtus Bologna, ekipi ku filloi lidhja e tij e dashurisë me basketbollin, nga të rinjtë në stërvitje me ekipin e parë së bashku me Manu Ginobili dhe me Ettore Messina në stol. "Beli" në javët e fundit ka shqyrtuar të gjitha ofertat nga skuadrat e NBA, asnjëra prej tyre nuk konsiderohet e kënaqshme. Një moment reflektimi dhe më pas zgjedhja e bujshme, një tjetër kthim në basketbollin Italian.
Një aventurë amerikane që mbyllet pa qeqardhje për basketbollistin Italian. E pamundur të mos kujtohet ajo fitore në NBA me tri pikë në 2014, gjithçka me fanellën e San Antonio Spurs. Ajo me teksanët mund të thuhet se ishte dhe historia më e bukur për Belinelli në NBA, nën urdhërat e një trajneri legjendar si Gregg Popovich dhe shokët e skuadrës si Tim Duncan, Tony Parker e Manu Ginobili.
