RTSH Sport Live

Bilbao përmbys Atletikon në katër minuta, në finale me Realin

  • 13/01/2022
  • |
  • Spanjë
Bilbao përmbys Atletikon në katër minuta, në finale me Realin
Fitore 2-1 për baskët që përmbysën skuadrën e Simones: Të dielën, akti i fundit kundër Ançelotit

Finalja e Superkupës së Spanjës 2022, e planifikuar për të dielën, do të jetë mes Athletic Bilbaos dhe Real Madridit. Baskët, kampionët në fuqi të kompeticionit, mund të bëjnë bis falë fitores me përmbysje, 2-1 në gjysmëfinale kundër Atletico Madrid. Të besuarit e trajnerit Simeone e nisën furishëm sfidën, madje arritën të gjejnë rrugën e rrjetës pas pak sekondash Joao Felix shënoi menjëherë për Atletico Madridin, por playmaker është jashtë loje dhe arbitri e anuloi. Kaluan dhjetë minuta dhe Bilbao ia besoi reagimin Inaki Ëilliams, por Oblak tregohet i kujdesshëm.

Fillimi i lojës është sprint, por më pas ritmi ulet dhe dy skuadrat fillojnë të mendojnë për posedimin e topit. Duhet të presim pjesën e dytë për të ringjallur një emocion, atë që korrespondon me avantazhin e Atleticos në minutën e 62-të falë autogolit të Unai Simon. U desh një episod për të zhbllokuar ndeshjen, që ndez flakën: dy minuta pas avantazhit të Colchoneros, Oblak neutralizon një tjetër rast të rrezikshëm, kësaj radhe Inigo Martinez.

Athletic hidhet përpara, skuadra e Simeones mendon vetëm për mbrojtjen dhe më pas në minutën e 77-të vjen barazimi i merituar bask me firmën e Alvarez. Një goditje shumë e rëndë për Atleticon që ndjen reagimin psikologjik dhe pëson një kolaps të thellë. Kalojnë shumë pak, vetëm katër minuta dhe në minutën e 81-të Bilbao përfundon një rikthim të papritur me Ëilliams. Më pas në rikuperim, një karton I kuq për Gimenez e detyron Atletico të mbetet në 10, dukeiI dhënë përfundimisht fund lojës.