Goli i një “grabitqari” si Anderson Duarte bëri që Uruguaji të rrëmbejë fitoren 1-0 ndaj Izraelit dhe një vend në finalen e Kupës së Botës U20, që po zhvillohet në Argjentinë dhe që vjen për shikuesit në ekranin e RTSH.
Pjesa e parë ishte e ekuilibruar dhe me shumë raste. Një pasim i “padukshëm” nga Roy Revivo dërgoi Tay Abed në portë, në një pozicion të volitshëm, por gjuajtja e tij e fortë u zmbraps nga Randall Rodriguez. Nga njëra portë në tjetrën, është radha e uruguajanëve: Rodrigo Chagas asistoi për Duarten, goditja e të cilit u neutralizua nga Tomer Zarfati.
Numri 7 i Uruguajit hodhi poshtë një mundësi të shkëlqyer në fillimin e pjesës së dytë, por shpejt arriti të vendosë emrin e tij në listën e shënuesve. Alan Matturro lëshoi një goditje të mirë, të ulët që u kthye nga shtylla. Duarte reagoi menjëherë dhe para dy izraelitëve përfitoi duke e dërguar topin në rrjetë.
Uruguaji më pas administroi lojën për t'u bërë kombi i gjashtë që arrin në tri finale të Kupës së Botës U20.
