E jashtëzakonshme ajo që u shfaq në El Collao. Loja e shkëlqyer e José Juan, krenaria e jashtëzakonshme e Alcoyano, performanca e turpshme e Real Madrid ... Fundi i Zidane?
Të besuarit e trajnerit Zidane u paraqitën në Kupën e Mbretit me shumë ndryshime, ndoshta nuk e kishin vlerësuar si duhet kundërshtarin, Alcoyano, pjesë e kategorisë së tretë në Spanjë.
Odegaard, Odrizola, Militao apo dhe Marioano ishin thirrur në komandë, për të përballuar raundin e tretë të Kupës së Mbretit. Fundi i pjesës së parë solli dhe avantazhin e madrilenëve, me golin e shënuar nga Militao, 1-0. Por vetëm dhjetë minuta para fundit të sfidës, vendasit arritën të barazojnë me anë të Solbes, 1-1.
Një gol që u dha zemër vendasve, duke ruajtur me fanatizëm barazimin dhe duke e dërguan ndeshjen në shtesë. Vendasit, në minutën e 110-të humbën shërbimin e Lopez(dy kartona të verdhë), duke mbetur me dhjetë lojtarë.
Por kjo nuk i ka penguar aspak që të surprizojnë një skuadër me emër të madh si Reali.Në minutën e 115-të është Casanova që ka firmosur kapitullimin e skuadrës së Zidane me golin e shënuar, 2-1. Një eliminim i tmerrshëm, që lëkund akoma më shumë pozitat e trajnerit francez në stolin e madrilenëve.
