Java e 38-të e Premier League është plot të papritura, por në fund vendimet janë të qarta: Liverpool, fitues 2-0 ndaj Crystal Palace dhe Chelsea, humbje 2-1 me Aston Villa, shkojnë në Ligën e Kampionëve. Në Europa League shkon Leicester, që humbi në shtëpi, 2-4 kundër Tottenham edhe për shkak të një autogoli të Schmeichel: me të edhe West Ham, Spurs do të inaugurojë Conference League. Asgjë për të bërë për Arsenalin dhe Everton.
Manchester City, skuadra kampione e Premier League, e ka mbyllur në mënyrën më të mirë të mundshme sezonin, duke marrë një fitore 5-0 përballë Everton. De Bruyne dhe Gabriel Jesus kanë shënuar në harkun kohor të katër minutave, ndërsa Sigurdsson ka humbur një 11-metërsh për Everon në pjesën e parë. Në pjesën e dytë, Foden firmos për 3-0, ndërsa Aguero përshëndet me dopietë në ndeshjen e fundit, duke sigluar 5-0. Në fund është radha e festës me trofeun në duar.
Fitore dhe për United, që ka munur 2-1 Wolves me golat e Elanga 13’ dhe Mata 45’. Për vendasit shënoi Semedo 39’. Nëse City kampion dhe United i vendit të dytë kishin gjithçka të siguruar, dy vendet e tjera të Champions i kishin llogaritë e hapura.
Liverpool fitoi në shtëpi, 2-0 përballë Crystal Palace duke rrëmbyer vendin e tretë dhe një biletë për në Champions. Vendi i katërt shkon për Chelsea, që u mund 2-1 në fushën e Aston Villa, por arrin objektivin falë suksesit të Tottenham në fushën e Leicester, duke e detyruar këtë të fundit të pranojë Europa League, bashkë me West Ham. Spurs fituan një ndeshje të çmendur me rezultatin 4-2. Bale përmbysi gjithçka në fund me dy golat e tij, ndërsa Harry Kane shpallet golashënuesi më i mirë me 24 gola, vendi i dytë për Salah me 23. Tottenham mban vendin e shtatë me 62 pikë, që do të thotë: pjesëmarrje në Conference League.