Spanja dhe La Liga po dridhen përballë emergjencës Covid dhe po vrapojnë për t'u mbrojtur. Duke marrë parasysh rritjen e infeksioneve dhe përhapjen e variantit Omicron, u vendos që kapaciteti në ambientet sportive të hapura të ulet në 75% (më parë ishte 100%) dhe në 50% për ato të mbyllura (më parë ishte 80%). Një hap prapa në krahasim me masat e fundit të marra, por të nevojshme për të kufizuar infeksionet, të cilat shpërthyen edhe në ekipet e La Ligës: në Elche 12 pozitive dhe në Sevilla tre të tjera, ndërsa në Real Madrid dhe Barcelonë pati shpërthime të vogla.