Dinamo nuk ndalet në merkato. Kësaj radhe blutë e kryeqytetit kanë siguruar portën. Pasi kanë rinovuar kontratën me Edvan Bakajn, portierin që ishte protagonist në sezonin e kaluar në Kategorinë e Parë, është arritur marrëveshja dhe me Romeo Harizajn.
Portieri 22-vjecar, në sezonine kaluar ka mbrojtur portën e Apolonisë, duke spikatur me lojën e tij. 18 herë kampionët e Shqipërisë nuk janë menduar dy herë, duke siguruar kështu shërbimin e tij, lajmi është bërë i ditur nga vetë klubi blu nëpërmjet një njoftimi në rrjetet sociale.
Njoftimi i klubit:
Romeo Harizaj përforcon kuadratin dinamovit
Futboll Klub Dinamo ka arritur marrëveshjen me Apoloninë për transferimin e portierit Romeo Harizaj në kryeqytet. 22-vjeçari ka spikatur sezonin e fundit në Superiore, duke siguruar edhe një ftesë nga Kombëtarja e Shqipërisë.
