RTSH Sport Live

Duplantis, rekord botëror në kërcim së larti me shkop

  • 25/07/2022
  • |
  • Sporte të tjera
Duplantis, rekord botëror në kërcim së larti me shkop
Atleti suedez, edhe pse në një moshë tepër të re, ka arritur të fitojë të gjithë titujt

Kampionati botëror i atletikës është mbyllur në Oregon, me një rezultat të jashtëzakonshëm, i arritur nga një atlet fenomenal, akrobati Armand Duplantis. 22-vjeçari, atleti suedez, edhe pse në një moshë tepër të re, ka arritur të fitojë të gjithë titujt, edhe këtë në një botëror të hapur, i cili i mungonte. Duoplantis ka realizuar në mbrëmbjen e fundit të botërorit në Amerikë, garën e tij më të mirë në karrierë, duke arritur rezultatin 6,21 metra në kërcim së larti me shkop e duke vendosur një rekord të ri botëror.

Rezultati i  mëparshëm 6,20 ishte arritur po nga Duplantis në botërorin e sallave të mbyllura të zhvilluar në Beograd. Edhe atleti suedez ka përfituar shumën prej 70 mijë dollarësh për medaljen e artë dhe 100 mijë dollarë për rekordin. Pyetja që bëjnë të gjithë tashmë është se deri ku mund të shkojë ky atlet i talentuar. 

Kevin Mayer ka fituar medaljen e artë në disiplinën decathlon me 8816 pikë, duke i dhuruar Francën medaljen e parë të artë. Mayer grumbulloi 8,816 pikë pas 10 disiplinave gjatë dy ditëve. Për të është medalja e dytë e artë e fituar në botëror, pas asaj të marrë në 2017 në Londër.

Në përfundim të botërorit të altetikës në Eugene, SHBA ka dominuar përsa i përket numrin të medaljeve të marra, 13 të arta, 9 argjendi dhe 11 bronzi, e ndjekur nga Etiopia dhe Xhamajka.