RTSH Sport Live

Evropiani drejt Britanisë së Madhe

  • 14/11/2020
  • |
  • Euro 2020
Evropiani drejt Britanisë së Madhe
Ndarja e skuadrave në Grupe, pas ndeshjeve të PLAY OFF-it
 
Euro 2020 që në fakt do të zhvillohet në 2021, mund të mos bëhet ashtu siç u planifikua, me formatin e veçantë udhëtues në 12 qytete të ndryshme të Europës. Eventi që do të transmetohet edhe në RTSH dhe që dukej si një ngjarje interesante deri një vit më parë, është kthyer gjithnjë e më shumë në një telash për organizatorët, për shkak të COVID-19. UEFA insiston se plani vazhdon si normalisht, por ndërkaq, kanë filluar bisedimet konkrete për zhvillimin e aktivitetit në një vend të vetem apo dy.
Udhëtimi nëpër Europë është thuajse plotësisht i bllokuar për shkak të valës së dytë që ka goditur kontinentin dhe që parashikohet të përkeqësohet në muajt në vijim. Kjo ka bërë që UEFA të rishikojë planet e saj pasi lëvizjet e kufizuara apo karantinimi i skuadarve dhe pjesëtarëve të numërt të stafeve përkatëse, do të bënin thuajse të pamundur zhvillimin normal të sfidave nëse situata me pandeminë nuk ndryshon shumë shpejt.
 “Daily Mail” bën të ditur se që tani kanë nisur bisedimet me Anglinë, për të zhvilluar aty të gjitha ndeshjet e këtij turneu, duke shfrytëzuar impiantet e cilësisë së lartë që ka në këtë vend. Atyre mund t’u bashkohen edhe 2-3 impiante në Skoci e Uells. Bisedimet kanë filluar dhe në varësi të asaj që ndodh deri në dy muajt e parë të vitit me pandeminë dhe rrjedhën e saj, UEFA do të marrë vendimin nëse do të ruajë formulën me 12 shtete, apo nëse do të zhvendoset përfundimisht në Britaninë e Madhe për këtë edicion.