“Tani nuk kam objektiva specifike. Do të ishte një ëndërr të dilje në podium me Carlos Sainz ”. Fernando Alonso është gati të kthehet në Formula 1 pas dy sezonesh mungesë, duke vendosur tashmë një moment të rëndësishëm.
Dy herë kampioni i botës do të kthehet në pistë me një Renault, që nga viti i ardhshëm do të quhet Alpine, i vetëdijshëm se 2021 do të jetë një vit tranzicioni: “Unë nuk i vendos vetes objektiva specifikë për të arritur një pozicion të caktuar”, fjalët e Alonso për Cadena Ser. “Sigurisht që ngjitja në podium do të ishte shumë mirë, mbase së bashku me Sainz por unë e di shumë mirë që Mercedes do të dominojë përsëri sezonin e ardhshëm”.
Piloti spanjoll tashmë mendon për sezonin e vitit 2022, kur të hyjnë në fuqi rregullat e reja. “2021 do të jetë një vit i përgatitjes, ku unë do të duhet të integrohem me ekipin por për sezonin vijues, me ndryshimin e rregullave, ne synojmë të fitojmë dhe të jemi përsëri në pozita të larta”, përfundon Alonso.