"FIFA mirëpret vendimin e qeverisë britanike për t'u lejuar lojtarëve të vaksinuar plotësisht mundësinë për të përfaqësuar vendet e tyre në ndeshjet e ardhshme kualifikuese të Kupës së Botës”. Kështu FIFA, në një shënim, bën të dëgjohet zëri për situatën e vaksinës dhe, pas problemeve që ishin shfaqur për ndeshjet e shtatorit, thotë: "Ne kemi punuar ngushtë me qeverinë e Mbretërisë së Bashkuar, Federatën e Futbollit dhe Premier League për të gjetur një zgjidhje të arsyeshëm, në interesin e të gjithëve, dhe ne besojmë se kjo është një zgjidhje më e mirë për situatën me të cilën lojtarët duhej të përballeshin në shtator".
"FIFA beson se ky është një hap pozitiv në drejtimin e duhur dhe vlerëson mbështetjen dhe bashkëpunimin e të gjithë aktorëve gjatë një periudhe të vështirë - theksohet - Ne inkurajojmë vaksinimet kundër COVID -19 dhe mbështesim pozicionin e Organizatës Botërore të Shëndetit: Të sigurt dhe të barabartë, qasja është thelbësore në të gjitha vendet. Lojtarët nuk duhet të kenë akses prioritar në vaksina", përfundon deklarata.
Në Premier League, vetëm shtatë nga 20 klubet në ligë kanë më shumë se gjysmën e stafit tashmë të vaksinuar dhe dje qeveria britanike, nëpërmjet sekretarit të shëndetësisë Sajid Javid, foli ashpër kundër lojtarëve që nuk janë vaksinuar akoma: "Shumë kanë zgjedhur të mos vaksinohen dhe është zhgënjyese. Ata janë modele, kështu që shumë të rinj i shikojnë dhe ata duhet ta kuptojnë këtë dhe ndryshimin që mund të bëjë në drejtim të inkurajimit të të tjerëve”, tha ai për Times.
