Lewis Hamilton u zgjodh Personaliteti Sportiv i Vitit 2020 nga BBC. Shtatë herë kampioni i botës në Formula 1 parapriu kapitenin e Liverpool, Jordan Henderson dhe kalorësen e garave të hipizmit, Hollie Doyle.
Piloti i Mercedesit fitoi titullin e tij të shtatë këtë vit, duke barazuar rekordin e Michael Shumaker. Hamilton, i cili gjithashtu u bë shoferi me më shumë gara të fituara, 95, fitoi çmimin BBC për herë të dytë, gjashtë vjet pas të parit. “Unë dua të përgëzoj të gjithë kandidatët e tjerë, shumë të forte”, tha Hamilton. “Jam shumë krenar për atë që kemi arritur këtë vit: Do të doja të falënderoja të gjithë ata që votuan për mua”.
Numri 44 i Mercedes-it shfrytëzoi rastin për ta uruar për festat: “Unë nuk prisja të fitoja duke pasur parasysh konkurencën e madh. Por unë mendoj se të gjithë jemi fitues dhe i uroj të gjithëve Gëzuar Krishtlindjet”.
Ceremonia e ndarjes së çmimeve nga BBC Sport u mbajt në selinë e Salford por në mënyrë elektronike për shkak të kufizimeve nga Coronavirus.
