Piloti i skuadrës së “Dukati”-t, Françesko Banjaja, ka siguruar të dielën titullin e “kampionit të botës” në nivelin më të lartë të Kampionatit Botëror të Motoçiklizmit, në Moto GP, edhe pse u rendit i nënti në garën e fundit të këtij sezoni, në Çmimin e Madh të Spanjës në Valencia, në atë që ishte ngadhënjimi i parë i një njeriu që kishte për mentor legjendarin Valentino Rosi.
Rivali i tij, piloti i “Jamaha”,-s Fabio Kuartararo, e nisi garën e fundit të sezonit duke kërkuar asgjë tjetër përveç fitores, duke shpresuar tek matematika për një titull të dytë radhazi, por e mbylli garën në vendin e 4-t, teksa i pari në finish mbërriti piloti i “Suzuki”-t, Aleks Rins, ndërsa Bred Binder i “KTM”-së dhe Horhe Martin i “Pramak”-ut plotësuan podiumin e garës prej 27 xhirosh.
Në fakt, përtej një kontakti të hershëm midis Banjajës dhe Kuartararos, që ishin në betejë për vendin e 5-të në xhiron e parë, piloti italian ruajti gjakftohtësinë deri në fund, duke u mjaftuar me vendin e 9-të në finish, që i mjaftoi të ruante bindshëm vendin e parë në renditjen e përgjithshme të pilotëve.
Ky sezon i jashtëzakonshëm uli të dielën siparin e tij dhe riktheu një pilot dhe një motor italian për herë të parë tek titulli pas plot 50 vitesh.
KLASIFIKIMI
1. Bagnaia 265
2. Quartararo 248
3. Bastianini 219
4. Espargaro A. 212
5. Miller 189
6. B. Binder 188
7. Rins 173
8. Zarco 166
9. Martin 152
10. Oliveira 149
11. Vinales 122
12. Marini 120
13. M. Marquez 113
14. Bezzecchi 111
15. Mir 87
16. P. Espargaro 56
17. A. Marquez 50
18. Nakagami 48
19. Morbidelli 42
20. Di Giannantonio 24
21. Dovizioso 15
22. Fernandez 14
23. Gardner 13
24. D. Binder 12
25. Crutchlow 10
26. Bradl 2
27. Pirro 0
28. Savadori 0
29. Watanabe 0
30. Nagashima 0
31. Petrucci 0
