Për herë të parë në historinë e Kupës së Botës, një gjyqtare femër do të drejtojë një ndeshje. Francezia Stephanie Frappart është caktuar për ndeshjen Kosta Rika-Gjermani, ndeshje e grupit E, e cila do të luhet të enjten. Frappart është një nga tre gjyqtaret femra në grupin prej 36 gjyqtarësh të kompeticionit dhe deri më tani asnjëra nuk ishte zgjedhur ende të arbitronte. Të trija kishin luajtur më parë rolin e gjyqtarit të katërt.
Për herë të parë në historinë e Kupës së Botës, në Katar janë tre gjyqtare femra: përveç Stephanie Frappart (Francë) janë dhe Salima Mukansanga (Ruanda) dhe Yoshimi Yamashita (Japoni). I njëjti numër linjash: Neuza Back (Brazil), Karen Díaz Medina (Meksikë) dhe Kathryn Nesbitt (SHBA).
