Vetëm lajme të mira në fushë, më pak në udhëtimin për në shtëpi. Kjo është ajo që ndodhi me Gjermaninë e Hans-Dieter Flick, që fitoi 4-0 në Islandë dhe komandon Grupin J në kualifikueset e Botërorit, “Katar 2022”. Katër golashënues të ndryshëm (Gnabry, Rudiger, Sané dhe Werner) dhe po aq pikë përpara Armenisë së vendit të dytë, e cila u mbajt prapa në sfidat e shtatorit pasi i befasoi të gjithë në grup.
Shumë keq më pas, ekipi kombëtar gjerman përjetoi një natë tmerruese. Faji shkon për avionin që po kthente ekipin në Gjermani, i cili hasi në vështirësi ndërsa fluturonte mbi Skoci. Një ulje emergjente e paplanifikuar në Edinburg ishte në fakt e nevojshme, siç shpjegohet në rrjetet sociale nga ana e Federatës: "Fluturimi ynë i kthimit u devijua në Edinburg për të kryer një inspektim paraprak të sigurisë në avion".
Profili i Gjermanisë në Twitter përditësonte vazhdimisht situatën, duke qetësuar familjet e lojtarëve dhe tifozëve: "Ne jemi mirë dhe teknikët po punojnë për të zgjidhur problemin". Problemi u zgjidh dhe u përshëndet me ironi nga vetë Federata: "Një aeroplan zëvendësues tani është duke shkuar në Edinburg për të sjellë lojtarët, trajnerët, stafin dhe delegacionin përsëri në Gjermani. Të gjithë janë mirë dhe presin me durim, ndërsa stafi vazhdon punën e tij, qetësisht dhe profesionalisht. Le të pimë dhe një kafe tjetër atëherë!".
