Është shkruar Erling Haaland, lexohet njeriu i rekordeve. Në fakt, sulmuesi norvegjez i Manchester Cityt doli sërish në skenë me fanellën e Qytetarëve në ndeshjen e dytë të 16-shes së Ligës së Kampionëve kundër Leipzigut, duke shënuar pesë gola ndaj gjermanëve. Numri i golave të nënshkruar mbrëmjen e së martës e sjell atë në 33 gola në Ligën e Kampioneve në vetëm 25 ndeshje të luajtura. Nuk ka pasur asnjëherë njeri si ai, me 22-vjeçarin norvegjez që ka thyer rekordin e mbajtur nga Ruud Van Nistelrooy (31 gola në 34 paraqitje).
Një sezon i vërtetë rekordesh për gjigantin e City-t, i cili mbërriti në oborrin e Guardiolës dhe mundi të shënonte gol pas goil mes Premier League dhe Evropës. Me golat e shënuar kundër Leipzig, klasi i vitit 2000 e çon rezultatin e tij sezonal në 39 gola, nga të cilët 28 nënshkruar në ligë, 1 në Kupën EFL dhe 10 në Champions League.
Në Ligën moderne të Kampionëve, të inauguruar në 1992-93, vetëm 2 lojtarë kishin shënuar 5 gola në një ndeshje të vetme, konkretisht Luiz Adriano (në Bate Borisov-Shakhtar 2014-15) dhe Messi (në Barcelona-Bayer Leverkusen 2011-12). Haaland, i cili tashmë befasoi me fanellën e Norvegjisë në maj të 2019-ës duke nënshkruar 9 gola ndaj Hondurasit, hyn në klubin e të mëdhenjve.
E ndërkohë në Angli ka nga ata që hanë duart duke qenë se Haaland preferoi kombëtaren norvegjeze ndaj asaj të Tre Luanëve për të cilën mund të thirrej që kur lindi në Leeds.
