Fitoi një La Liga dhe Champions League me Real Madridin, por nuk ishte protagonist. Eden Hazard është në kërkim të formës së tij të dikurshme dhe ka besim se viti i ardhshëm do të jetë ai i rilindjes së tij. Nga grumbullimi i kombëtares belge, në kuadër të ndeshjeve të Ligës së Kombeve, ish-playmakeri i Chelseat ka folur për momentin e tij dhe dëshirën për të kompensuar sezonin e ardhshëm.
"Nuk kam më probleme me gjurin, gjithçka është në rregull. Më duhet të bëj një përgatitje të mirë fizike dhe mendore për të qenë gati për sezonin e ardhshëm", tha Hazard. "Dua të tregoj se nuk kam mbaruar, se kam ende shumë për të dhënë. E di se mund ta bëj: gjithçka që duhet të bëj është të luaj dhe shpresoj të kem shanse vitin e ardhshëm”.
Vetëm atëherë do të shohim të vërtetën. Eden Hazard përsëri, nuk ka dyshim. “Unë kurrë nuk kam dashur të largohem nga Reali sepse e di që mund të jap kontributin tim për klubin; deri më tani nuk kam qenë në gjendje të shprehem sa më mirë në fushë dhe klubi e di këtë”.
Një pasazh edhe për kolegët e Realit dhe jo vetëm: "Topi i Artë? Nuk ka dyshime të mëdha. Sadio Mané, Vinicius dhe lojtarë të tjerë bënë një sezon të mrekullueshëm, plot fitore. Por nëse marrim parasysh gjithçka, Benzema do ta fitojë 99%. Shpresoj për të, e meriton”.
“Courtois? Nuk mendoj se mund ta fitojë por do të jetë në top pesë, në rastin më të keq në top dhjetë. Në Champions League finalja ishte fantastike, por në ndeshjet e mëparshme… Nga ana tjetër, Karim e kemi vënë re në çdo ndeshje. Nuk duhet harruar as fitorja me Francën në Ligën e Kombeve. Dhe në La Liga ishte mbresëlënës".