Nuk kishte histori. Interi mposhti një Juve inegzistente duke dominuar derbin italian me golat e Vidal dhe Barella, “përqafon” Milanin në vendin e parë dhe mbi të gjitha dërgon një sinjal për të gjithë pretendentët e tjerë për Scudetto: ekipi dominues i nëntë kampionateve të fundit është në vështirësi dhe hendeku tashmë i famshëm i përmendur nga Conte duket i anuluar.
Sigurisht në një nivel taktik, ku trajneri i zikaltër fiton ndeshjen kundër Pirlo në mes të fushës, me Vidal dhe Barella protagonistët absolutë përtej dy golave. Zhgënjimi i Cristiano Ronaldos, si të gjithë shokët e tij të skuadrës.
Conte mbështetet te Lukaku dhe Lautaro në sulm, me Hakimin dhe Young në pjesën e jashtme dhe treshen e formuar nga Barella, Brozovic dhe Vidal në mes të fushës. Nga ana tjetër Pirlo, i cili duhet të bëjë pa Dybala, De Ligt, Cuadrado dhe Alex Sandro, propozon Fabrotta mbrojtësin e majtë. Përpara Ronaldo dhe Morata, të mbështetur nga Chiesa dhe Ramsey. Juve duket se fillon mirë dhe në 10’ shënon me Ronaldon, por ndalohet gjithçka për pozicion jashtë loje të Chiesa. Është vetëm një iluzion fillestar, sepse Interi zgjohet dhe dy minuta më vonë merr epërsinë: Barella zgjerohet në të djathtë dhe kalon në qendër të zonës ku Vidal shkon para Danilo paraprakisht, mund Szczesny dhe nuk bën tifo për respekt për ish-ekipin e tij.
Juve nuk reagon dhe në fillim të pjesës së dytë pësoi golin e dytë në një gabim të pabesueshëm mbrojtës: një pasim prej 60 metrash nga Bastoni kapi bardhezinjtë të papërgatitur, Barella rrëshqiti në hapësirën midis lojtarëve qendrorë dhe dyfishoi. Pirlo është tërbuar dhe ndryshon tre lojtarë, duke futur Kulusevski, Mckennie dhe Bernardeschi në vend të Ramsey, Rabiot dhe Frabotta. Conte përgjigjet me Darmian, Gagliardini dhe Sanchez për Young, Vidal dhe Lautaro. Juve përpiqet të kthehet në lojë, por, përveç një përpjekje të Chiesa të refuzuar nga Handanovic, ata krijojnë shumë pak deri në fund. Interi feston, ndan Juven me 7 pikë dhe, të paktën për një natë, gëzon udhëheqjen.
