Ish-presidenti i Interit, Massimo Moratti, ka folur në mikrofonat e 'Radio Anch'io Sport' në Rai RadioUno dhe është ndalur veçanërisht tek penalltia e akorduar mbrëmë nga arbitri Mariani për Juventusin dhe e shndërruar në 1-1 përfundimtar nga Dybala.
Moratti është i bindur se ajo penallti e prishi ndeshjen: "Nuk e di nëse ta quaj penallti, por situata e djeshme sigurisht që e prishi pak ndeshjen. Nuk më është dukur se kishte një pengim kaq të dukshëm për të përmbysur një lojë në mënyrë dramatike".