Interi po përgatitet të përballet me ndeshjen më të rëndësishme të sezonit të tij, finalen e Champions League kundër Manchester Cityt në stadiumin Ataturk në Stamboll. Një sfidë e vështirë kundër një ekipi të fortë dhe të frikshëm, por Lautaro Martinez është i sigurt në konferencën për shtyp: "Është hapi i fundit, ne jemi përgatitur mirë dhe shpresojmë ta përfundojmë këtë sezon me nota të larta. Jemi këtu falë vetes. Ne kaluam grupin me Bayernin dhe Barcelonën dhe më pas mundëm skuadra si Porto, Benfica dhe Milan. Për ne është një ëndërr, ne kemi punuar shumë për të qenë këtu".
Nga Botërori në Champions - "Janë dy finale të rëndësishme për një lojtar, vetëm fanella ndryshon sepse ndjesitë janë të njëjta dhe unike. Arritja këtu falë punës, grupi është ai që ka rëndësi, është gjëja më e rëndësishme. Jemi në hapin e fundit dhe ne duhet të jemi gati sepse është e rëndësishme për ne, për klubin dhe për të gjithë zikaltërit”.
"Kjo ndeshje do të thotë shumë për mua dhe për ekipin, sepse ishte një nga objektivat që kishim. Ne u përballëm me një fazë të vështirë grupesh me Bayernin dhe Barcelonën, pastaj Porton, Benfica dhe Milani. Ne jemi këtu falë vetes, falenderim për punën që kemi bërë me trajnerin, kam mësuar shumë çdo ditë, ndjej shumë përgjegjësi sepse kam pesë vjet që jam këtu, por jam i sigurt që të gjithë bashkëlojtarët e mi do të jenë gati për këtë ndeshje”.
Lautaro pas Militos - "Unë e di se çfarë bëri Milito në këtë klub dhe çfarë bëri në finale. Jam krenar që jam pjesë e këtij ekipi dhe që mund të bëj një finale të madhe. Shpresoj që të mund të bëj diçka si ai”.
Mes detyrës së City-t dhe ëndrrës së Interit - "Nuk e di nëse është detyrë për ta, ne shpresojmë t'ia sjellim trofeun në Milano. Shpresojmë të luajmë një finale të madhe, të fitojmë dhe ta kthejmë kupën në shtëpi. Për ne është një ëndërr, e vështirë për t'u arritur por ne kemi punuar shumë për ta arritur atë”.
