Lazio, e vetëdijshme për rezultatin e ndeshjes së parë: përmbysja e Olimpico, 4-1 kundër Bayern Munchen duket një mision më shumë se i pamundur. Por ekziston objektivi për të nderuar Ligën e Kampionëve në rastin më të mirë, prandaj Simone Inzaghi kërkon përqendrim dhe dëshirë. Trajneri i bardhekaltërve, në një konferencë për shtyp, prezantoi ndeshjen kundër bavarezëve: “Për të arritur në këtë ndeshje, ne e dimë, kemi punuar shumë”.
“Ne kemi zbritur në stadiume të caktuara prestigjioze dhe kundër ekipeve të mëdha. Do të shkojmë të luajmë një lojë të rëndësishme. Në këtë Ligë të Kampionëve, para Bayernit, nuk kishim humbur akoma. Ne duam të bëjmë mirë. Lazio duhet të shkojë shpesh në Europë, raundi i dytë mungonte prej 20 vitesh. Duhet të përpiqemi të kemi vazhdimësi: nuk është e lehtë, kemi 6 beteja përpara nesh në kampionat".
"Nesër në mbrëmje kemi nevojë për një paraqitje të rëndësishme kundër një kundërshtari shumë të fortë i cili ka luajtur lojëra të rëndësishme në vitet e fundit. Do të na duhet gara dhe vendosmëria: ata janë shumë të fortë, i meritojnë titujt e fituar. Le të shkojmë atje për të luajtur ndeshjen. Deri më tani, në tre ndeshje jashtë kemi bërë mire, me tre barazime, por ne meritonim më shumë”.
“Ata janë kampionët e botës, ne e luajmë ndeshjen tonë me vendosmëri. Lazio duhet të shijojë mbrëmjen në maksimum dhe shpresoj të mund të ndodhë përsëri, të gjithë jemi ambicioz. Progresi ynë ka qenë shumë i mirë. Objektivi ishte raundi i dytë. Me rezultatin e ndeshjes së parë, kalimi i raundit është kompromentuar, por ne do ta luajmë ndeshjen në mënyrën më të mirë të mundshme".
