Simone Inzaghi, më shumë se në vendin e parë, që do të ishte një rezultat i shkëlqyer për të dhe për Interin, dëshiron një ndeshje të madhe në tempullin e Real Madridit, ku zikaltërit kanë fituar vetëm një herë. I di vështirësitë e ndeshjes edhe pse Ancelotti është pa Benzeman dhe nuk e fshehu gjatë konferencës për shtyp.
“Mendoj se nesër do të jetë një ndeshje e rëndësishme për ne. Ne dhe Reali tashmë e kemi kaluar raundin, por duam të kemi një ndeshje të mirë. Ne u paraqitëm shumë mirë në ndeshjen e parë, por nuk ishte e mjaftueshme. Këtë herë do të na duhet të japim diçka më shumë. Benzema është një lojtar shumë i rëndësishëm për ta: ne trajnerët duhet të bindemi me këto probleme mungesash për shkak të dëmtimeve, por Jovic që e zëvendësoi në ndeshjen e fundit shënoi një gol dhe bëri një assist”.
“Jemi më mirë se në ndeshjen e parë? Thjesht kemi luajtur më shumë bashkë dhe u njohëm më mirë. Skuadra ruajti një formë të caktuar në dy vitet e fundit, por kishte nevojë për njohje reciproke. Megjithatë, edhe në ndeshjen e parë dolëm mirë, por fatkeqësisht humbëm atë ndeshje dhe gjithashtu disa pikë të tjera në kampionat. Tani vijmë nga një periudhë e mirë që na ka dhënë vetëbesim”.
“Ancelotti? Karriera e tij flet qartë. Para ndeshjes së parë, ne folëm me Carlon dhe është gjithmonë kënaqësi të flasim për futbollin me të. Ai po bën mirë në La Liga dhe ka një avantazh shumë të mirë ndaj të dytit. Po flasim për një trajner të madh që po fiton shumë”.
“Është një ndeshje e rëndësishme. Në Madrid, në historinë e tij, Interi ka fituar vetëm një herë dhe do të ketë gracka dhe vështirësi. Kemi ardhur ta luajmë me personalitet dhe motivim. Ne do të përpiqemi ta përgatisim ekipin në mënyrën më të mirë të mundshme. Është një ndeshje që na intereson”.
