RTSH Sport Live

Juve riniset me Dybala dhe Morata

  • 01/12/2021
  • |
  • Itali
Juve riniset me Dybala dhe Morata
Me nga një gol në çdo pjesë loje, bardhezinjtë “harrojnë” humbjen me Atalantën dhe marrin tri pikë përballë Salernitanës

Në javën e 15-të të Serisë A, Juve mundi Salernitanën 2-0 dhe la pas krahëve humbjen me Atalantën. Pjesa e parë u dominua nga bardhezinjtë, të cilët gjetën avantazhin në minutën e 21-të me Dybala, më pas VAR anulloi një gol të Chiellinit (në pozicion jashtë loje Kean). Në pjesën e dytë, vendasit ishin të pafat, kur e majta e Ranierit goditi shtyllën (58'). Goditja e Moratas sapo hyri e mbyll garën (70'). Dybala gaboi një 11-metërsh në fundin e takimit, minuta e 95-të.

Juventusi nuk kishte fituar dy ndeshje radhazi në Serie A jashtë pa pësuar gol që nga shkurti i vitit 2019.

Ka mbajtur portën e paprekur në tre nga katër ndeshjet e fundit të Serisë A, po aq porta të pastra sa ato të grumbulluara në 27 ndeshjet e mëparshme në turne.

Salernitana humbi katër ndeshje radhazi në shtëpi në Serie A për herë të parë.

Për herë të parë, Salernitana nuk gjen golin për tre ndeshje radhazi në shtëpi në Serie A.

Që nga 2014/15, Paulo Dybala është lojtari me më shumë gola nga jashtë zonës në Serie A (24). Ai nënshkroi golin e parë të Juventusit në Serie A ndaj Salernitanës.

Vetëm Nicolò Rovella është më i ri se Dejan Kulusevski në mesin e lojtarëve që kanë bërë të paktën pesë asistime në Serie A që nga fillimi i vitit 2021 (pesë për të dy).

Me 4 gola dhe 3 asistime në ligën aktuale, Paulo Dybala ka barazuar ecurinë e Serie A 2020/21.

Álvaro Morata ka shënuar nëntë gola në 18 ndeshje të Serisë A kundër skuadrave të reja të promovuara: shtatë prej tyre kanë ardhur jashtë shtëpisë - në fakt ai ka shënuar jashtë shtëpisë në katër ndeshjet e tij të fundit kundër kundërshtarëve nga Serie B.

Kjo është hera e dytë që Paulo Dybala dhe Alvaro Morata shënojnë në të njëjtën ndeshje të Serisë A. E para në tetor 2015 (kundër Bologna).

Alex Sandro bëri paraqitjen e tij të 250-të me fanellën e Juventusit në të gjitha garat.

Duke marrë parasysh të gjitha garat, Paulo Dybala nuk e ka kthyer në gol penalltinë me Juventusin për herë të parë që nga tetori 2017 (në Serinë A kundër Lazios). Që atëherë, argjentinasi kishte transformuar tetë nga tetë.