Ish-mbrojtësi i Juventusit dhe Parmës, Lilian Thuram, merr anën e trajnerit aktual të Juventusit, Andrea Pirlo, shpesh i kritikuar gjatë këtij sezoni: "E gjithë kjo më bën të qesh pak," i thotë ai për Sky. Performanca e “Zonjës së Vjetër” përfundoi në qendër të kritikave, ku qershia mbi tortë ishte eliminimi nga Champions League. Titulli është gjithnjë e më i vështirë, Kupa e Italisë mbeti për të shpëtuar sezonin e Juventusit.
Por Thuram shpjegon: "Për t'u bërë një trajner i shkëlqyer, si dhe një lojtar i shkëlqyer, një kuzhinier i madh ose një gazetar i madh, ju duhet kohë. Ju nuk mund të bëheni një lojtar i shkëlqyer në sezonin e parë që luani si profesionist dhe e njëjta gjë vlen edhe për Pirlon".
Krahasimi me Zidane - "Është hera e parë që ai bën rolin e trajnerit dhe nuk mund t'i kërkohet ta bëjë atë sikur të kishte përvojë 10 ose 15 vjet. Zidane, kur u bashkua me Real Madrid, nuk ishte përvoja e tij e parë si menaxher: ai kishte punuar edhe më parë, në ekipet e të rinjve, ishte i dytë me Ancelotti dhe Mourinho”.
“Kjo është arsyeja që më bën të qesh kur dëgjoj të kritikojnë Pirlon dhe unë mendoj: më vjen keq, ka diçka që quhet "fitimi i përvojës". Ai po fiton përvojë dhe nuk mund të kërkoni të dijë gjithçka”, theksoi Thuram.