Është përcaktuar kalendari, që përfaqësuesja kuqezi do ndjekë në kualifikueset e Botërorit, Katar 2022. Gjatë ditës së djeshme është hedhur shorti për ndarjen e grupeve mes 55 skuadrave përfaqësuese, ku Shqipëria është vendosur në Grupin I, sa bashku me Anglinë, Poloninë, Hungarinë, Andorrën dhe San Marinon.
Ndërkohë, sot pasi është diskutuar mes federatave përkatëse, është përpiluar dhe kalendari i sfidave. Kuqezinjtë do e nisin me Andorrën në transfertë më 25 mars 2021 dhe do e mbyllin këtë aventurë po me Andorrën, kësaj radhe në shtëpi më 15 nëntor 2021. Anglinë, në ndeshjen e parë, do e presim në shtëpi më 28 mars, tri ditë pas Andorrës. Ndërkohë, me Poloninë ndeshjen e parë do e luajmë në transfertë më 2 shtator.
Ja kalendari i plotë:
Ndeshja e parë, 25 Mars 2021: Andorra-Shqipëri
Ndeshja e dytë, 28 Mars 2021: Shqipëri-Angli
Ndeshja e tretë, 31 Mars 2021: San Marino- Shqipëri
Ndeshja e katërt, 2 Shtator 2021: Poloni-Shqipëri
Ndeshja e pestë, 5 Shtator 2021: Shqipëri-Hungari
Ndeshja e gjashtë, 8 Shtator 2021: Shqipëri-San Marino
Ndeshja e shtatë, 9 Tetor 2021: Hungari-Shqipëri
Ndeshja e tetë, 12 Tetor 2021: Shqipëri-Poloni
Ndeshja e nëntë, 12 Nëntor 2021: Angli-Shqipëri
Ndeshja e dhjetë, 15 Nëntor 2021: Shqipëri-Andorra
