Java e katërt e Kategorisë së Dytë prodhoi sa rezultate të bukur, aq edhe interesante. Grupi A udhëhiqet nga Veleçiku me 10 pikë. që fitoi ndaj Adës në transfertë, ndërsa Vora pretendente nuk shkoi më shumë se një barazim 1-1 ndaj Sopotit. Valbona fitoi në shtëpi 2-0 ndaj Naftëtarit.
Në Grupin B, ndeshja më interesante ishte mes Luftëtarit dhe Butrintit përfunduar me shifrat 2-1. Me këtë fitore gjirokastritët shkojnë në vendin e tretë në kuotën e 9 pikëve. Në takimet e tjera, dy ekipet pretendente si Pogradeci dhe Elbasani kanë fituar me nga 5 gola. Liqenorët mundën Delvinën 5-1, ndërsa verdheblutë drejtuar nga Stojku fituan 5-0 ndaj Maliqit.
