Kategoria e Parë: Dinamo, fitore e vuajtur përballë Korabit

Dinamo e ka mbyllur 2020 me një fitore të vuajtur përballë Korabit, por të rëndësishme janë tri pikët që e mbajnë në vendin e parë në klasifikimin e Grupir A, Kategoria e Parë. Gjithçka u vendos nga një 11-metërsh i akorduar në pjesën e dytë dhe i kthyer në gol nga braziliani Da Silva.

 Një sfidë që nisi menjëherë e zjarrtë, teksa lojtarët e të dyja skuadrave duket se kishin harruar përse ndodheshin në fushën e lojës, duke krijuar tension mes njëri tjetrit. Nuk kanë munguar dhe kartonët e vërdhë në këtë rast.

Momenti vendimtarë i kësaj sfide do të vijë në minutën e 53-të, ndërsa Pontreli është penguar brenda zonës dhe gjyqtari ka drejtuar dorën nga pika e bardhë. Da Silva ka marrë përsipër ekzekutimin e kësaj goditja dhe nuk ka gabuar, 1-0.

Minutat në vazhdim kanë sjellë dhe sulme të shumta të skuadrës së Korabit, por pa arritur të gjejë rrugën e rrjetës. Skuka apo dhe Ismailaj kanë humbur raste të pastra shënimi. Në fund fitorja i takon Dinamos, që e mbyll këtë vit kalendarik në vend të parë.

Në dy sfidat e tjera të këtij grupi, të luajtura sot, Burreli është ndalur në një barazim 1-1 në fushën e Orikut. Po barazim 1-1 ka përfunduar dhe sfida mes Veleçikut dhe Besëlidhjes.

REZULTATET

GRUPI A

DINAMO-KORABI 1-0

Golat: Da Silva(53")pen.

ORIKU-BURRELI 1-1

Golat: Caushaj (55")/Dedgjonaj (44")

VELEÇIKU-BESËLIDHJA 1-1

Golat: Pelinku (64")/Ruqi (38")

RENDITJA/GRUPI A

RENDITJA/GRUPI B