RTSH Sport Live

Kategoria e Parë, të mëdhatë bëjnë detyrën

  • 21/11/2021
  • |
  • Futboll Vendi
Kategoria e Parë, të mëdhatë bëjnë detyrën
Bylis vazhdon të mos shqetësohet nga askush, fitojnë Korabi dhe Erzeni

Java e 9-të e kategorisë së parë nuk është se prodhoi ndodnjë surprizë sa i përket rezultateve. Të gjithë skuadrat e mëdha fituan duke vazhduar momentin e tyre të mirë. Bylis, skuadra që të gjitha ndeshjet i ka fitore, mori një sukses të rëndësishëm me Apolonië me shifrat 1-0 falë golit ët shënuar nga Qardaku. Një disfatë e rëndë për fierakt që vazhdojnë të notojnë në ujërat të turbullta.

Sukses të rëndësishëm ka marrë dhe Erzeni në një transfertë të vështirë si ajo e Beratit ndaj Tomorit. Goli i Becit në pjesën e dytë nderoi shijakasit, të cilët tashmë e shohin veten në vendin e dytë, 1 pikë më shumë sesa Korabi që në shtëpi bëri detyrën ndaj Burrelit duke fituar me shifrat 3-1. Ndërkohë në takimet e tjera, Besa fitoi 1-0 ndaj Maliqit, ndërsa Besëlidhja vazhdon të fitojë pozicione në renditje falë ftores 2-0 ndaj Shkumbinit.

REZULTATET

Tomori-Erzeni 0-1

Butrinti-Tërbuni 0-0

Besa-Maliqi 1-0

Besëlidhja-Shkumbini 2-0

Bylis-Apolonia 1-0

Turbina-Vora 2-0

Pogradeci-Lushnja 1-0

Korabi-Burreli 3-1