Kategoria e Parë ka zbritur sot në fushën e lojës me tri ndeshje të Grupit B, të vlefshme për javën e 18-të, ku padyshim vëmendja ishte e përqëndruar tek Tomori-Egnatia, një sfidë për kreun, e cila është transmetuar në RTSH Sport. 90 minuta emocionuese, që në fund kanë sjellë fitoren 1-0 të Tomorit të Beratit, gol i shënuar nga Canga nga pika e penalltisë, minuta e 45-të.
Një sukses që i ka ngjitur beratasit në kuotën e 29 pikëve, tre më pak se rrogozhinasit kryesues, që provojnë për herë të parë shijen e humbjes në këtë edicion të Kategorisë së Parë.
Fitore edhe për Pogradecin, që ka mundur në shtëpi, Turbinën me rezultatin 2-0, falë golave të Topllarit dhe Jahajt. Pogradecarët mbajnë vendin e tretë në klasifikim, një pikë më pak se Tomori I vendit të dytë.
Besa ka arritur të marrë një fitore me përmbysje në përballjen me Elbasanin. Da Lima kaloi elbasanasit në avantazh në minutën e 41-të. Skuadra e Besës arriti të vendosë baraspeshën në minutën e 70-të me anë të Kacbufit, ndërsa në fund të takimit Lila realizoi golin e avantazhit nga pika e penalltisë.
KATEGORIA E PARË
Rezultatet/Grupi B
TOMORI-EGNATIA 1-0
Golat: Canka 45’
ELBASANI-BESA 1-2
Golat: Da Lima 49’/Kacbufi 70’, Lila 91’
POGRADECI-TURBINA 2-0
Golat: Topllari 67′, Jahaj 84′
RENDITJA/GRUPI B
