Janë zhvilluar sot gjashtë ndeshje të Kategorisë së Parë, faza play off në Grupin B dhe faza play out në Grupin A dhe B.
Në Grupin B faza play off, Tomori ka arritur një fitore me përmbysje përballë Egnatias, tashmë të ngjitur në Superiore, me rezultatin 2-1. Në fillim ka shënuar Magani për rrogozhinasit në pjesën e parë. Në pjesën e dytë, beratasit kanë arritur të përmbysin gjithçka me golat e Cankës(penallti) dhe Pepës, duke siguruar matematikisht vendin e dytë. Ndërkohë, po 2-1 ka fituar dhe Pogradeci përballë Besës, në këtë ndeshje skuadër pritëse. Dragoj dhe Laçka shënuan për liqenorët, ndërsa goli për skuadrën kavajase u shënua nga Lila.
Përsa i përket fazës play out, në Grupin A, Partizani B ka pësuar një humbje 1-0 në shtëpi përballë Besëlidhjes, duke firmosur kështu dhe rënien nga kategoria. Ndërkohë, 1-0 është dhe fitorja e Orikur përballë Erzenit. Në Grupin B, faza play out, Flamurtari ka marrë një fitore 2-0 përballë Lushnjës, ndërsa Elbasani ka mundur Turbinën me rezultatin 4-3.
KATEGORIA E PARË
Rezultatet
Grupi A(Play Out)
PARTIZANI B-BESËLIDHJA 0-1
Golat: Bushi 81’
ORIKU-ERZENI 1-0
Golat: Qejvani 47’
Grupi B(Play Off)
TOMORI-EGNATIA 2-1
Golat: Canka 74’(pen.), Pepa 84’/A.Magani 31’
BESA-POGRADECI 1-2
Golat: Lila 80’/Dragoj 55’, Lacka 72’
Grupi B(Play Out)
FLAMURTARI-LUSHNJA 2-0
Golat: Diamanti 38’, 86’
ELBASANI-LUSHNJA 4-3
Golat: Karati 35’, Dushaj 57’, Da Silva 60’, Hasanaj 89’/ Hasa 65’, Jaupaj 67’, Olivera 91’