Mesfushori i Bayern Munichut dhe i kombëtares gjermane, Joshua Kimmich, i cili vendosi të mos vaksinohej, rezultoi pozitiv me Covid-19 ditën e djeshme. Klubi bavarez ndërhyri duke i lënë të kuptojnë atij dhe lojtarëve të tjera të pavaksinuara (Choupo-Moting, Cuisance, Gnabry dhe Musiala, edhe nëse këta dy të fundit kanë ndryshuar mendje) se nuk do t'u paguajë rrogën për ditët në të cilat do të jenë në karantinë parandaluese ose do të jenë të padisponueshme sepse janë pozitive.
Pas dy javësh në të cilat ai ishte në karantinë , në të cilat humbi rreth 768 mijë euro pagë bruto, tani do t'i duhet të qëndrojë i izoluar edhe për të paktën dy javë të tjera (në të cilat do të humbasë një tjetër 768 mijë euro, në total 1,536 milionë). Vetëm më vonë, në rastin e tamponëve negativë, ai mund të jetë sërish i disponueshëm.
Kimmich kurrë nuk ka thënë se ai e mohon ekzistencën e Covid (ai ka krijuar një shoqatë që mbledh fonde për ata që kanë humbur punën për shkak të virusit), as nuk e ka vënë në dyshim rëndësinë e vaksinës. Megjithatë, ai shprehu shqetësimin për çdo efekt afatgjatë nga vaksina.
