Në më shumë se një shekull futboll në Evropë, nuk ka pasur kurrë një sezon si ai që do të fillojë. Vendimi i FIFA-s për të mbajtur Kupën e Botës në Katar në nëntor dhe dhjetor, për të shmangur vapën e shkretëtirës, do të ndajë kampionatet kombëtare dhe kupat evropiane në dysh në një mënyrë që nuk është parë kurrë, përveç në rastin e ngjarjeve dramatike si lufta ose pandemia.
Si rezultat, sezoni i pazakontë evropian 2022-23 që fillon më herët se zakonisht do t'i detyrojë lojtarët të luajnë më shumë ndeshje në mesjavë dhe të përfundojnë me finalen e Champions League më 10 qershor 2023. Për të dëshmuar natyrën e jashtëzakonshme të kësaj situate, vetëm një herë është shkuar më tej, me finalen inauguruese të Kupës së Kampionëve të luajtur më 13 qershor 1956.
Nuk është rastësi që sot menaxheri i Liverpool-it, Jurgen Klopp është rikthyer të flasë kundër kësaj situate. "Të gjithë e dinë se nuk është e drejtë, por askush nuk flet mjaftueshëm për këtë. Diçka duhet të ndryshojë”, tha ai.
"Ne duhet të flasim për këtë saktë dhe t'i themi FIFA, Uefa, Premier League, Fa, mjaft. Të fillojmë të flasim me njëri-tjetrin. Pjesa më e rëndësishme e futbollit janë lojtarët. Secili ka interesat e veta dhe kjo nuk i bën gjërat më të lehta. Ky Botëror vjen në kohën e gabuar për arsyen e gabuar”, shtoi Klopp.
