Kukësi, më në fund ka arritur të zyrtarizojë mesfushorin nga Mauritania, Abdou M’Bark El Id. Lojtari në fjalë, që në verë kishte arritur një akord me skuadrën verilindore, por mungesa e dokumentacionit të nevojshëm për të udhëtuar drejt Shqipëris, bëri që të shtynte zyrtarizimin. Gjithsesi, më në fund zyrtarizimi ka mbërritur dhe lojtari i është bashkuar skuadrës në stërvitje gjatë ditës së sotme.
Njoftimi i klubit:
Zyrtare! Abdou M'Bark El Id është futbollist i Kukësit
Futboll Klub Kukesi njofton se mesfushori Abdou M'Bark El Id është zyrtarisht futbollist i skuadrës sonë! Futbollisti 23-vjeçar ka firmosur ditën e sotme me klubin një kontratë deri në verën e vitit 2025 duke u bërë kështu futbollisti më i ri në skuadër.
Mesfushori nga Maurtiania ka firmosur me ekipin tonë në merkaton e verës, por vonesat me vizën kanë bërë që futbollisti të bashkohet me vonesë me ekipin. M'Bark është aktivizuar me ekipe si Concorde dhe Nuadhibou në kampionatin e tij dhe ne Numancia B në Spanjë.
Klubi i Kukësit i uron mirëseardhje mesfushorit M'Bark dhe shumë suksese me fanellën e skuadrës sonë. Ëelcome Abdou 🤝
Skeda e Lojtarit:
Emri: Abdou M'Bark El Id
Mosha: 23 vjeç
Kombësia: Mauritania
Gjatësia: 1.89 m
Pozicioni: Mesfushor