Skuadra e Kukësit ka zyrtarizuar sot blerjen më të re, lituanezin Rolandas Baravykas, i cili pritet të jetë një vlerë e shtuar në repartin e mbrojtjes. Vjen nga kampionati qipriot, më konkretisht nga skuadra Nea Salamis, ndërkohë që është dhe pjesë e përfaqësueses së Lituanisë. Lojtari në fjalë ka firmosur një kontratë, që e mban të lidhur me verilindorët deri në verën e vitit 2022.
Njoftimi i klubit:
Rolandas Baravykas është zyrtarisht futbollist i Kukësit! Mbrojtësi lituanez, ka firmosur ditën e sotme të merkatos kontratën me klubin tonë deri në verën e vitit 2022, duke u bërë futbollisti më i ri i Kukësit.
Mbrojtësi 25-vjeçar vjen nga kampionati qipriot i futbollit dhe është prezantuar sot në zyrat e klubit, teksa do të bashkohet menjëherë me ekipin në stërvitje. Baravykas është njëkohësisht edhe futbollist i kombëtares lituaneze të futbollit duke u aktivizuar në 20 ndeshje e duke shënuar 1 gol. Ai ishte në "Air Albania" edhe në ndeshjen që kombëtarja shqiptare luajti ndaj Lituanisë por për arsye shëndetësore nuk u aktivizua.
Mbrojtësi lituanez ka luajtur me ekipe si Altantas e Zalgiris ndërsa së fundmi është aktivizuar me ekipin e Nea Salamis në Qipro.
Klubi i Kukësit i uron shumë suksese mbrojtësit Baravykas! Sveikas atvykes Baravykai.
Skeda e Lojtarit:
Emri: Rolandas Baravykas
Mosha: 25 vjeç
Kombësia : Lituaneze
Pozicioni: Mbrojtës i djathtë