Carlo Ancelotti përgatit ekipin e tij për Kupën e Botës për Klube. Këto janë fjalët e trajnerit italian: “Turneu është i organizuar mirë, stadiumi është shumë i bukur, fusha është në gjendje të mirë dhe Maroku ka treguar se e do Realin, ne jemi të lumtur që luajmë këtu, jemi të motivuar dhe tani ne duam të kthehemi në Madrid me titullin”. Trajneri i Blancos do të luajë gjysmëfinalen kundër egjiptianëve të Al-Ahly-t pa disa lojtarë shumë të rëndësishëm për të, të cilët mungojnë për shkak të dëmtimit: Courtois, Benzema dhe Militao. Mendimi i tij për ta: "Ata qëndruan në Madrid për trajtim, por nëse janë gati të enjten ata do të na bashkohen dhe ndoshta të shtunën do të jenë të disponueshëm”.
Më pas Ancelotti vazhdoi duke shprehur mendimin e tij për kompeticionin: "Është një ngjarje shumë e rëndësishme. Të qenit këtu do të thotë se kemi bërë shumë mirë, atëherë këtu kemi gjetur shumë tifozë të Real Madridit dhe do të bëjmë gjithçka për t'u dhënë atyre gëzim. Dhe është një mundësi për të përfunduar mirë atë që bëmë sezonin e kaluar dhe për t'u përgatitur me entuziazëm për atë që vjen më pas”. Maroku, vendi pritës, po përgatitet të mirëpresë, përveç Merengues dhe Al Ahly, edhe: Seattle Sounders, Auckland City, Wydad Casablanca dhe Flamengo.
