Është hedhur sot në ambjentet e stadiumit “Air Albania” shorti i gjysmëfinaleve të Kupës së Shqipërisë për sezonin 2021/2022. Partizani, Vllaznia, Teuta dhe Laci kanë mësuar fatin e mëtejshëm në këtë kompeticion. Kështu është vendosur nëpërmjet shortit që Partizani do të përballet me Vllazninë, ndërsa Laçi me Teutën, duke kompletuar kështu gjysmëfinalet.
Të kuqtë do të luajnë ndeshjen e parë në shtëpi, ndërsa ajo e kthimit do të luhet në Shkodër. Laçi do të udhëtojë drejt Durrësit për të zhvilluar ndeshjen e parë, teksa në takimin e kthimit do të presë në shtëpi Teutën. Ndeshjet e para do të luhen më 30 mars ndërsa ato të kthimit do të zhvillohen më 13 prill.
Gjysmëfinalet:
Partizani-Vllaznia
Teuta-Laçi