Negociatat e gjata midis Lazio dhe Maurizio Sarri përfundojnë me nënshkrimin dhe njoftimin, momeni më i pritur. Trajneri toskan është timonieri i ri i bardhekaltërve. Gjithçka e konfirmuar pas ditësh pritjesh, heshtjesh dhe shpresash. Por negociatat asnjëherë nuk u ndalën. Sarri rinis nga Roma pas aventurave të tij të fundit me Juve, Chelsea dhe Napoli. Ky është njoftimi për shtyp i botuar në faqen zyrtare të internetit: "S.S. Lazio njofton se Maurizio Sarri është trajneri i ri i ekipit të parë".
Detajet mbi marrëveshjen: Sarri lidhet me Lazio për dy vite. Do të përfitojë në një sezon diçka më shumë se 3 milionë euro. Me shpërblime, të cilat lidhen me arritjet (Europa League ose Champions) dhe fitoret (Scudetto dhe Kupa), mund të arrijë mbi katër milionë euro. Marrëveshja e mbyllur. Një cikël i ri i filluar nga Claudio Lotito. Pasi përshëndeti Simone Inzaghi, drejtuesit vendosën të vinin bast fort mbi një emër të madh.