Një Bayer Leverkusen mbizotërues fitoi 2-1 kundër Borussia Dortmund në BayArena të martën në mbrëmje.
Pasi i mbijetoi një periudhe fillestare presioni, Moussa Diaby hapi rezultatin për Leverkusen në minutën e 14-të kur kontrolloi një pasim të gjatë nga Leon Bailey dhe mposhti portierin Roman Burki në një kundër një.
Leverkusen vazhdoi të bënte shumë presion në anën e jashtme me intensitet, por Burki bëri shumë pritje, për të mbajtur Dortmund në lojë.
Dortmund u përmirësua pak pas pushimit të pjesës së parë dhe goditja e Julian Brandt vendosi barazpeshën në minutën e 67-të, duke ndëshkuar kështu Leverkusen për shanset e tyre të humbura.
Por pasi bëri disa ndryshime, Leverkusen rivendosi veten dhe rimori epërsinë me një kundërsulm të shkëlqyer që 17-vjeçari Kevin Wirtz përfundoi me sukses.
Në sfidat e tjera, M’gladbach mori një fitore 1-0 në shtëpi përballë Werder Bremen, goli u shënua nga Elvedi në pjesën e dytë.
Piatek ka gabuar nga pika e bardhë, ndërsa skuadra e tij, Hertha Berlin ka pësuar një humbje 0-3 përballë Hoffenheim. Golat për miqtë u shënuan nga Rudy dhe Kramaric(dopietë).
Mainz është dorëzuar në pjesën e dytë në shtëpi përballë Ëolfsburg, duke pësuar një humbje 0-2. Golat u shënuan nga Bialek dhe Weghorst.
