Romelu Lukaku ka intensifikuar kontaktet me ish-drejtuesit e tij. Ai dëshiron vetëm Interin dhe është i fiksuar pas rikthimit në Milano, te zikaltërit. Ai gjithashtu e bëri të qartë se është i gatshëm të përgjysmojë pagën. Me pak fjalë, eksperienca (e harruar) te Chelsea ishte mjaft traumatike, mes një marrëdhënieje thuajse inekzistente me Tuchel dhe pak minutave të luajtura. Sulmuesi belg gjithashtu vazhdon të telefonojë dhe të dërgojë sms ish-shokëve të skuadrës me shpresën për ta parë së shpejti sërish me të njëjtën fanellë, atë të zikaltërve.
Megjithatë, vetëm pendimi i Lukakut nuk mjafton për të zgjidhur pozitivisht një negociatë veçanërisht të ndërlikuar. Chelsea shpenzoi 113 milionë euro verën e kaluar për ta sjellë atë në Londër, dhe edhe nëse likuiditeti i pronarëve të rinj është i papërshkueshëm, të paktën kështu thuhet, bëhet e vështirë të mendosh se mund ta shesë atë. Lëvizja e vetme e mundshme për Interin është huazimi. Nëse kjo është një zgjidhje e mirëpritur për blutë, mbetet për t'u parë.
