Turi i fundit i La Ligës dhe është koha për vendime. Në fund të xhiros së 38-të ishte Granada ajo që përshëndeti ligën më të lartë spanjolle me një fund makth dhe parakalimin në renditje nga Mallorca dhe Cadiz që i shpëtojnë rrezikut. Formacioni i Karanka, në të cilin bën pjesë dhe sulmuesi kuqezi, Myrto Uzuni, bie së bashku me Alaves dhe Levante, pas barazimit në shtëpi ndaj Espanyol: 0-0 dhe një penallti të humbur në pjesën e dytë nga Molina.
Mbeten në Ligë, Maiorca e Muriqit (2-0 me Osasuna) dhe Cadiz që mundi Alaves 1-0, që tashmë ka zbritur në kategorinë e dytë. Nga ana tjetër, Elche e mbylli kampionatin duke mposhtur 3-1 Getafen.
