Fitorja e katërt radhazi për Manchester United, tani +4 nga ndjekësit pas tripletës dhe fitores me përmbysje në shtëpinë e Tottenham. Kulmi i parë i emocioneve ndodh menjëherë pas gjysmë ore lojë, me një episod në secilën anë, me Cavani e Son. Nuk vonoi shumë dhe vendasit arritën të zhbllokojnë rezultatin me një veprim të bukur koral, me përfundimin Lucas-Son, që solli 1-0.
Djajtë e Kuq duket se stonojnë në lojën e tyre, sidomos në fazën sulmuese, por janë pikërisht ata që gjejnë rrugën e rrjetës 12 minuta pas fillimit të pjesës së dytë. Një aksion i nisur nga Bruno Fernandes, e më pas Fred kombinon me Cavanin, për të nxjerrë në dritë golin e barazpeshës me autor brazilianin.
Në minutën e 79-të të takimit, një kros i Greenwood është shfrytëzuar maksimalisht Cavani, duke sjellë golin e avantazhit për skuadrën e drejtuar nga Solskjaer. Në fund të takimit është pikërisht Greenwood, që ka hipotekuar suksesin e radhës për United, 3-1.