Fjalët e lamtumirës të Marcelos për Real Madrid pas 16 vitesh dhe 25 titujsh të fituar janë thyer nga lotët. "Ishte një aventurë e mrekullueshme. Sot largohem nga këtu si një lojtar që ka fituar më shumë tituj në historinë e ekipit më të mirë në botë", tha mbrojtësi brazilian në konferencën për shtyp përkrah presidentit të madrilenëve, Florentino Perez. “I falënderoj shokët e skuadrës, trajnerët dhe njerëzit që punojnë në prapaskenë. Një falënderim i veçantë shkon për Raul, i cili më ndihmoi shumë, ai ishte shembulli im. Largohem nga këtu me kokën lart. Nuk është lamtumirë".
“Kur u largova nga Brazili, kisha në mendje të luaja në një ekip të madh dhe të luaja në Ligën e Kampionëve, kur nënshkrova për Realin në kokën time mendova se mund të arrij majat dhe tani po largohem si një lojtar me më shumë tituj", tha ai. Marcelo përsëri shumë i emocionuar: “Ne i jemi përkushtuar vetëm futbollit, por dua të theksoj se për ta bërë këtë ka njerëz pas nesh dhe e kam mësuar tek Real Madrid. Dua të falënderoj Realin për të gjithë këtë. Unë zgjohesha çdo ditë të jetës sime me gëzimin e të qenit në klubin më të mirë në botë. Fëmijët e mi e panë që unë luaja në klubin më të mirë në botë”.
Për të ardhmen: "Nuk po tërhiqem, jo tani. Ndjej se mund të luaj përsëri. Nëse përballem me Real Madridin? Nuk do të jetë problem. Unë jam një tifoz i Madridit, por gjithashtu një profesionist i madh."
