Marcelino e ka nisur me një humbje aventurën e tij në stolin e Bilbaos, duke u mundur në shtëpi 2-3 përballë Barcelonës, që me këtë fitore është ngjitur në vendin e tretë në klasifikim.
Skuadrës vendase iu deshën vetëm tre minuta lojë për të kaluar në avantazh me anë të Inaki Ëilliams, assist i Raul Garcia, që ka finalizuar me qetësi në portën e mbrojtur nga Ter Stegen, duke shënuar golin e parë të epokës Marcelino.
Por epërsia e vendasve ka zgjatur vetëm 11 minuta pasi i riu Pedri arriti të vendosë barazpeshën pas një topi të dhënë nga de Jong. Barcelona arriti të sigurojë përmbysjen pas një kombinimi Pedri-Messi, me argjentinasin që ka konkretizuar saktësisht në portën e mbrojtur nga Simon.
Në pjesën e dytë është edhe njëherë Messi që shënon pas topit të dhënë nga Antoine Griezmann dhe një zhvillimi të mirë të aksionit nga Pedri.
Një gol i vonë Iker Muniain i dha Bilbaos një litar shpëtimi, por Barca arriti të mbajë fitoren që e ngriti mbi Real Sociedad dhe Villarreal në tabelën e La Liga dhe në pesë pikë nga Real Madrid dhe shtatë nga Atletico Madrid.
