"Unë mendoj se Ducati po përkeqëson vazhdimisht mënyrën se si lidhet me pilotët. Ata po tregojnë besnikëri zero ndaj tyre, të bindur se kanë motorrin më të mire”. I intervistuar nga "Bike Magazine", Casey Stoner foli për marrëdhënien e tij me Ducati, me të cilin ai garoi në MotoGP nga 2007 në 2010, gjithashtu duke fituar një titull botëror në vitin e parë me prodhuesin Borgo Panigale. Sipas australianit, megjithatë, mënyra se si Ducati sillet me pilotët, tregon zero besnikëri nga ana e ekipit.
Stoner shpjegoi arsyet që e çuan atë të largohej nga Ducati për Honda, me të cilin fitoi titullin e tij të dytë në 2011: "Marrëveshja me ta ishte më e mirë në të gjitha aspektet sesa ajo e Ducati. Pse duhet të kisha vazhduar me ta nëse nuk më respektonin?". Pastaj ai përfundon duke folur për pensionimin e tij në moshën 27-vjeçare: "Ndoshta isha budalla që refuzova ofertën e Honda për rinovim, por ju ose bëni gjëra për dashuri ose për para. Por unë bëra më shumë para sesa nuk do të mund ta imagjinoja kurrë dhe prandaj jam i kënaqur me zgjedhjen e bërë”.
