"Muzika ime e preferuar? Himni i Romës. Është kënga që vërtet do të doja ta dëgjoja shumë fort çdo javë në Olimpico". José Mourinho nuk ka dyshime: Romanizmi tani ka hyrë në venat e tij. Por "Roma, Roma, Roma" nuk është vetëm prej pak kohësh në zemrën e “Special One”. Edhe kur ai u përball si kundërshtar me verdhekuqtë, ishte një kënaqësi për të që ta dëgjonte. Mou e ka treguar një gjë të tillë për kanalin e klubit:
"Unë duhet të jem i sinqertë, edhe si një kundërshtar i njihja fjalët sepse është shumë i bukur. Edhe si kundërshtar, kur isha duke luajtur në Olimpico, më pëlqente ta dëgjoja atë, të kënduar me kaq shumë pasion. Tani që jam këtu dua ta dëgjoj vërtet e fortë".
