RTSH Sport Live

NBA: LaMarcus Aldridge largohet nga basketbolli

  • 15/04/2021
  • |
  • Basketboll
NBA: LaMarcus Aldridge largohet nga basketbolli
Ish All Star, i cili nënshkroi me Nets në fund të marsit, pensionohet pas problemeve në zemër

"Për 15 vjet e vendosa basketbollin në radhë të parë: është koha të vendosim shëndetin dhe familjen". Me një letër të publikuar në profilet e tij në rrjetet sociale, LaMarcus Aldrige trondit botën e NBA dhe njofton pensionin e tij. Ish All Star, i cili kishte nënshkruar me Brooklyn Nets në fund të Marsit dhe po ndiqte unazën që nuk e fitoi kurrë, e mori vendimin pas ndeshjes kundër Lakers, numri 1029 i luajtur në karrierën e tij në sezonin e rregullt: "Kam luajtur, pavarësisht se kam pasur probleme të aritmisë - shkruajti 35-vjeçari në rrjetet sociale - Tani jam më mirë, por ajo që kam jetuar atë natë me zemrën time ishte një nga përvojat më të tmerrshme të jetës sime”.

"Sot, unë jam duke e shkruar këtë letër me një zemër të rënduar - shkroi Aldrige - ndeshjen time të fundit, e kam luajtur pavarësisht nga problemet e aritmisë. Ritmi i përshpejtuar i zemrës që u përkeqësua gjatë natës pas ndeshjes dhe më bëri të shqetësohem edhe më shumë. Të nesërmen në mëngjes, i shpjegova ekipit se çfarë ndodhi dhe e gjithë organizata ishte fantastike me mua kur më çoi në spital për të bërë të gjitha kontrollet e nevojshme. Edhe pse tani jam më mirë, ndjenjat që ato momente më lanë mbeten një nga përvojat më të këqija që kam hasur ndonjëherë”.

Dhe përsëri: “Prandaj më duhej të merrja vendimin e ndërlikuar për tu tërhequr nga basketbolli I luajtur. Për 15 vjet gjithmonë e kam vënë basketbollin të parin në jetën time dhe tani është koha t'i jap përparësi familjes dhe shëndetit tim. Unë jam mirënjohës për gjithçka që loja më ka dhënë: kujtimet e pashlyera, përfshirë të gjitha, dhe miqësitë që më lidhin me njerëzit që do të qëndrojnë pranë meje përgjithmonë. Dua të falendero Portland që më zgjodhi mua, për bastin mbi një fëmijë të dobët nga Teksasi dhe për t'i dhënë një shans. Qyteti më ka dhënë vite që do të mbeten të gdhendura në kujtesën time përgjithmonë".